Detido un veciño da Pobra por tenencia de armas e tráfico de drogas

A Garda Civil de Boiro e a Unidade de Información da Comandancia da Coruña, detivo a un home, de 49 anos e veciño da zona pobrense de O Campiño, acusado dos delitos de tráfico de drogas e tenencia ilícita de armas.
Segundo a benemérita o individuo publicou un vídeo nas redes sociais no que podía vérselle cun rifle de alta potencia, explicando que o modificaba. No mesmo víaselle realizando un disparo no que o proxectil atravesaba unha chapa de ferro. Os axentes rexistraron o domicilio onde se lle incautaron numerosas armas curtas e longas, de aire comprimido e fogueteo de distintos calibres, así como numerosas réplicas de airsoft e un arco de caza. Atopouse tamén unha escopeta de caza do calibre 16 co canón e a culata recortada coa súa respectiva munición.

No rexistro tamén se lle interviron armazones e canóns , algúns fabricados en plástico mediante impresoras 3D e que nalgunhas delas estaban aloxados nas súas recámara dous cartuchos do calibre 12; ademais de distinta cartuchería de caza e metálica de guerra antiaérea, e proxectís de distinto calibre.
Todas as armas intervidas carecían de documentación. A Garda Civil tamén atopou no domicilio do investigado 1,6 gramos de hachis e útiles para preparar a droga. O individuo fora denunciado a mediados de abril por un delito de tráfico de drogas ao atoparse cinco bolsitas de cocaína e dúas de heroína. O Xulgado de Instrución número 2 de Ribeira asume a causa.