As nosas aulas CeMIT póñense ao servizo do alumnado universitario para a realización de exames

03 Xuño 2020

As aulas CeMIT da nosa comarca van poñer as súas instalacións e servizos ao dispor dos universitarios que queiran facer os seus exames. Isto será posíbel grazas ao convenio de colaboración formalizado entre a Axencia para a Modernización Tecnolóxica de Galicia (que xestiona xunto cos Concellos a devandita rede galega de aulas de capacitación e formación dixital), as tres universidades e a FEGAMP. Este convenio diríxese a facilitar ao máximo a realización das probas universitarias dos estudantes, co fin de seguir garantindo medidas anti-COVID nestes tempos de desescalada (evitándolles desprazamentos e desconxestionando os campus). A nosa comarca ten aulas CeMIT en Boiro, Ribeira, O Son e Noia.

Segundo informa o Concello de Boiro despexando dúbidas sobre o funcionamento desta novidade, “o alumnado universitario que queira facer uso deste servizo, sexa na aula CeMIT local ou en calquera outra aula galega das que contan con este servizo, teñen que darse de alta como usuarios na Rede de espazos de alfabetización dixital e seguir o protocolo para a realización de exames universitarios e reservar a data e hora do exame”.

O Concello tamén lembra que o acceso as aulas CeMIT faise seguindo todas as medidas e normas de seguridade e hixiene pautadas polas autoridades sanitarias como manter as distancias de seguridade de 2 metros, empregar luvas e mascara de protección e realizando unha correcta hixiene de mans.

Toda a información sobre o servizo pode atoparse na paxina web de CeMIT, a través do enderezo electrónico cemit@xunta.gal ou no telefono 981 91 03 59.

Outros artigos

Ribeira pon en valor o traballo das mulleres no mar

O Concello de Ribeira conmemorou o Día Internacional da Muller no Sector Marítimo rendendo unha homenaxe a tres mulleres extraordinarias que dedicaron as súas vidas a unha profesión fundamental para a nosa comunidade: o marisqueo. O concelleiro de Mar, Fernando...

+

“Día das Letras Galegas 2025”. Manuel Dominguez

Andrés do Barro, cantante, compositor de soul galego, grandes éxitos dende 1975 onde as linguas do Estado foron confinadas, censuradas, ata acadar o primeiro posto nas listas dos discos máis vendidos en España tres veces seguidas: primeiro en 1969 con O trem , logo en...

+

“O Barbanza: Cinco anos de xornalismo independente”

Hai cinco anos, en maio do 2019 nacía na súa edición dixital obarbanza.gal e uns días despois na de papel O Barbanza, sempre en galego e baixo a cobertura do Grupo Código Cero Comunicación. Dicíamos daquela que eramos un grupo de profesionais decididos a aventurarnos...

+

O Noia Portus Apostoli, tricampión da Copa Galicia de fútbol sala

Tricampión de Galicia. O Noia Portus Apostoli volveu coroarse este 17 de maio, Día das Letras, como o auténtico rei de Galicia tras proclamarse campión da Copa Galicia por terceiro ano consecutivo. O bloque noiés, o noso único representante na máxima categoría do...

+

Publicidade

Revista en papel

Opinión