O Concello de Porto do Son organiza este verán, entre o 6 de xullo e o 28 de agosto e poñendo en xogo medidas exhaustivas e estritas de seguridade, o programa de conciliación Movida Urbana, destinado a achegar lecer e formación para a rapazada ao mesmo tempo que se garante, cun amplo programa de accións, o desenvolvemento da actividade profesional das nais e dos pais. O programa vaise celebrar en Porto do Son, en Portosín e máis en Xuño.
Porase ao servizo de nenas e nenos de idades comprendidas entre os 3 anos e os 12, en horario de mañá. A taxa será de 40 euros, con diversas bonificacións e con prezo de balde para a rapazada de familias en situación de emerxencia social. A data límite de inscrición é o 30 de xuño.
