Sete negocios da nosa comarca, centrados na hostalería, van recibir axudas da Xunta para mellorar equipamentos e servizos. O investimento neste sector (turismo, restauración) será de 140.000 euros, dun total de 471.000 euros. Beneficiaranse dous hoteis en A Pobra do Caramiñal, Serra de Outes e Ribeira e catro restaurantes en Noia, Boiro e Ribeira.
Con esta achega, a Xunta contribuirá a financiar, entre outras actuacións, accións de mellora nas súas infraestruturas e nos seus servizos, “buscando unha oferta de maior calidade para os propios galegos e os visitantes”.
En termos máis concretos, apóianse proxectos de accesibilidade e supresión de barreiras arquitectónicas, melloras nas instalacións para obter certificacións de excelencia, actuacións de renovación e modernización das instalacións ou melloras na climatización.
A liña de axudas consignou máis de 80.000 para catro restaurantes que solicitaron a axuda e que cumprían cos requisitos. Pola súa parte, os tres establecementos de aloxamento contarán con algo máis de 60.000 euros.
No ámbito provincial serán 21 os establecementos beneficiados por esta liña de axudas cun investimento total de 327.000 euros que mobilizarán 1,1 millón de euros nesta área.
A posta en marcha desta liña de axudas enmárcase nos obxectivos da Consellería de Cultura e Turismo de favorecer a renovación e modernización dos establecementos da Comunidade co obxectivo afondar un destino accesíbel e de calidade. Estes son os negocios beneficiados:
· POBRA DO CARAMIÑAL
Camping de Cabio
· SERRA DE OUTES
Casa de Roque
· RIBEIRA
Camping Coroso
·NOIA
A Noiesa Restaurantes
· BOIRO
Restaurante Chicolino
· BOIRO
Restaurante Florida
· RIBEIRA
Restaurante Casa Hermo