A Policía Autonómica e axentes ambientais da Consellería do Medio Rural adscritos ao distrito Forestal IV- O Barbanza, esclareceron dous incendios que se rexistraron na última semana do mes pasado en Ribeira, A Pobra do Caramiñal e en Baroña no Son.
Segundo os investigadores, as chamas orixináronse debido a queimas de restos agrícolas e forestais nas que non se observaron todas as medidas de precaución, sendo afectadas en total unhas 2,4 hectáreas de superficie rasa e 0,2 hct en Baroña tamén de raso. En cada un deses incendios foron necesarios, entre outros medios humanos e materiais da zona, unha motobomba e unha cuadrilla do Servizo de Prevención e Defensa contra vos Incendios Forestais da Xunta de Galicia para o control do lume e refrescado do lugar. No tempo que transcorreu deste ano xa foron detidas ou investigadas pola Policía Autonómica 17 persoas como presuntas autoras de incendios forestais.
