A Deputación apoiará os festivais que se adapten á actual situación sociosanitaria

08 Xuño 2020

A Deputación da Coruña anunciou estes días o seu apoio aos festivais que sigan convocados nos concellos da provincia neste contexto de desescalada, achegándolles recursos para que sexan quen de adaptarse á nova situación sociosanitaria cunha reformulación dos seus programas: apostando polos formatos online e, no caso se incluír actividades presencial, polas audiencias controladas e limitadas. Concellos e entidades organizadoras de festivais terán até un novo prazo aberto até o día 15 para presentar un proxecto e un orzamento adaptado e acceder ás axudas da Deputación da Coruña. A área de Cultura quere facilitar deste xeito a reformulación dos eventos que foran presentados ás dúas liñas de subvención para festivais, ás que destina un millón de euros.

“Dende a área de Cultura da Deputación da Coruña apoiamos a realización dos festivais de maneira decidida a través de dúas liñas de axuda porque consideramos que son relevantes non só como plataformas de difusión cultural senón tamén para a dinamización do sector e promoción económica co cal, neste tempo tan difícil coa cancelación absoluta dos espectáculos ao vivo, queremos poñer todas as facilidades para que se poidan desenvolver coas debidas precaucións mais contando con non prexudicar máis aínda ás persoas e pequenas empresas”, sinala o deputado de Cultura, Xurxo Couto.

Os certames que decidan continuar coa organización do festival deberán xuntar un novo orzamento no que poderán incluír os gastos subvencionábeis derivados da organización do evento no seu formato orixinal non recuperábeis no que poderán incluír as indemnizacións orixinadas pola súa anulación.

A área de Cultura anuncia tamén que na convocatoria de 2021 non se terá en conta a edición de 2020 a efectos de valoración, por ser a deste ano en curso unha edición condicionada de xeito moi relevante pola crise do coronavirus.

Outros artigos

O novo Auditorio de Ribeira abrirá o sábado 1 de xuño

O novo Auditorio Municipal de Ribeira abrirá as súas portas o sábado 1 de xuño e para celebrar a súa apertura, a Concellería de Cultura está a organizar unha programación especial que se estenderá ao longo de todo o mes. Esta coincidirá co "Xuño dá Cultura e as...

+

Publicidade

Revista en papel

Opinión

“Enfermedades terminales”. José Manuel Pena

“Enfermedades terminales”. José Manuel Pena

Estos últimos días las visitas al hospital fueron frecuentes para acompañara un buen amigo que se encuentra viviendo unos difíciles momentos por sudelicado estado de salud. Esta circunstancia me abrió un poco más los ojos ala realidad del sufrimiento, el dolor, el...

“Mellor é falar”. Luís Celeiro

“Mellor é falar”. Luís Celeiro

Moitos dos lectores lembran como era aquelo de chamar por teléfono aos parentes deMadrid ou de Barcelona, ao noivo de Lleida ou de Cádiz, ao veciño emigrante en Suíza ou encalquera lugar industrial de Alemaña. Moitos aínda se acordan hoxe daquel teléfonoparroquial que...