A Biblioteca Municipal de Rianxo está definitivamente de volta, e a reapertura non deixa de ser unha boa nova para toda a poboación do concello, non só para aquelas veciñas e veciños máis directamente implicadas e implicados no saudábel hábito da lectura, tan necesario nestes tempos de adversidade, post-confinamento e progresiva desescalada.
Segundo informaron fontes da Biblioteca, este mércores 3 de xuño o servizo regresa á actividade con horario de 10.00 a 13.30 horas (de luns a venres) e con posibilidade de facer préstamos e devolucións con cita previa. Para máis información e para concertar citas podemos chamar aos números de teléfono 981 860 272 e 667 185 581, ou ben enviar un correo á conta biblioteca@concelloderianxo.gal.
