A aula CeMIT de Ribeira achegará un espazo para a realización de exames universitarios

04 Xuño 2020

Entrada da aula CeMIT de Ribeira nunha imaxe de Canal Barbanza

Onte avanzámolo en O Barbanza e este xoves a aula CeMIT de Ribeira confirmouno: o alumnado universitario vai poder facer uso do dito espazo de conexión e formación tecnolóxica para facer os seus exames. Isto (froito dun acordo entre as universidades e AMTEGA) será aplicábel ás restantes aulas CeMIT da comarca e tamén á ribeirense, que contará cun espazo reservado para a realización das probas das facultades galegas a disposición das e dos estudantes universitarios que non conten coa conectividade axeitada no seu fogar.

Poderán inscribirse nestas probas os universitarios dos nosos campus que precisen realizar os seus exames online. O Concello de Ribeira, que xestiona a aula xunto coa axencia autonómica AMTEGA, lembra que só será necesario acudir co equipamento propio á aula para poder realizar a proba pertinente. Os horarios reservados para esa actividade son de 8.00 a 11.00 da mañá. Buscarase flexibilidade no caso de ter que ser fóra de ese horario.

Os interesados deberanse inscribir como usuarios da aula CeMIT para poder realizar a actividade. Para calquera aclaración opdemos chamar ao teléfono 981876043 ou mandar un correo á conta cemit.ribeira@xunta.es.

Outros artigos

Publicidade

Revista en papel

Opinión