O SERGAS informou esta tarde que proximamente Palmeira terá novamente médico no consultorio da Casa do Mar. Os desprazamentos dos médicos de Palmeira e Corrubedo a Santa Uxía, debeuse a unha situación temporal e á solicitude dos propios facultativos causado por motivo de saúde laboral. O SERGAS informou que en ningún caso se pensou en deixar os centros sin médico.
Pola sua banda tal como informamos a primeira hora da tarde no Barbanza o alcalde de Ribeira Manuel Ruiz puido saber en conversas mantidas hoxe con Sanidade, que mañá mércores quedará restablecido o servizo médico no centro de saúde de Corrubedo.
Así, segundo se lle foi explicado ao primeiro edil, o traslado a outra dependencia do facultativo alí emprazado tivo lugar porque Saúde Laboral desanconsellaba que o mesmo prestase tal función en solitario, razón pola cal se estiveron a levar a cabo os axustes pertinentes para que outro profesional realice este labor na citada parroquia.
Dende Sanidade se fixo fincapé en que en ningún momento se pensou en suprimir o consultorio de Corrubedo e, de feito, tanto a enfermeira como o PSX alí destinados seguían desempeñando as súas competencias con normalidade.
