Todos os núcleos de poboación de Galicia e por extensión da comarca con menos de 5.000 habitantes están libres de franxas horarias para establecer as saídas á rúa a partir de hoxe. Así o confirmó o presidente da Xunta, Alberto Núñez Feijóo, a través dun tweet no que comunica que a comunidade galega pasará de restrinxir as saídas tendo en conta a poboación dos concellos para facelo polos núcleos de poboación. O Prsidente dixo que “Desde mañá(hoxe venres) en núcleos separados de menos de 5.000 veciños poderase saír sen limitación horaria, como pediu a Xunta hai días e onte reiterei a Pedro Sánchez. Agradezo a rectificación. Igual que se o Goberno se equivóca é a miña obrigación dicilo, recoñezo os seus acertos”.
