O Concello de Rianxo e a Deputación da Coruña axudan á veciñanza coa tramitación electrónica

11 Maio 2020

O Concello de Rianxo, co gallo do Estado de Alarma aínda vixente e as restricións ao presencial, puxo en marcha medidas para facilitar a tramitación electrónica entre a cidadanía, unha metodoloxía de procedementos e comunicacións coa Administración local á que se lle deu prioridade (agás para trámites imprescindíbeis). Se ben a prioridade outorgada aos procesos dixitais puxo de manifesto unha serie de problemas importantes para unha parte da veciñanza (rianxeiras e rianxeiros que non dispuñan de medios de autenticación na Sede Electrónica do Concello, ou sexa, eCertificado, DNI Electrónico ou Cl@ve), o Concello solicitou á Deputación da Coruña “flexibilizar os requirimentos de autenticación na Sede Electrónica”. Segundo confirmou o Goberno local, este asunto vénse de resolver con éxito.

Que significa este obxectivo acadado? Pois, tal e como explicou o Concello, que mentres dure o Estado de Alarma o nivel de seguridade da Sede Electrónica local atoparase en nivel baixo, o que significa que podemos realizar trámites só con estarmos dados de alta no sistema Cl@ve (abonda estar de alta no sistema Cl@ve coa carta de invitación). Asemade, os trámites urxentes pódense presentar de forma presencial no Rexistro Xeral do Concello con cita previa​​​​​​​, que determinará a urxencia da solicitude. As dúbidas a este respecto resolveranse no correo sede@concelloderianxo.gal.

Outros artigos

Unha muller ferida nun accidente na autovía en Asados

Unha persoa necesitou atención por parte dos servizos sanitarios logo dun accidente de tráfico ocorrido preto das cinco da tarde deste martes na autovía de Barbanza. O vehículo que conducía saíuse da vía na zona de Asados e terminou envorcado sobre o asfalto. Os...

+

Publicidade

Revista en papel

Opinión

“Meus irmáns” – Xulio Xiz

“Meus irmáns” – Xulio Xiz

Fóronse meus dous irmáns: Mato, o maior, e Santi, o pequeno. O maior, morreume hai unhas semanas. O máis novo, o día do Pai. Se Xesús tivo vida longa e froitífera, Santi foise moi cedo despois de poñer unha pica en Bristol. Os tres somos tamén agora irmáns en terra:...