Prosegue o reparto de material de protección contra a COVID-19 nos concellos da nosa comarca. Por exemplo en Boiro, onde esta semana o Goberno local continúa a distribución de equipamento (pantallas, xeles, luvas, máscaras) entre a poboación e entre os comerciantes que comezaron a abrir as portas dos seus negocios nesta fase da desescalada. Nestes primeiros días da semana o Concello puxo o foco nos salóns de peiteados nos establecementos de estética, que reciben un lote de arranque con material de seguridade para iniciar a actividade.
Este lote está formado por pantallas protectoras para os traballadores e traballadoras, un xel hidroalcólico para cada establecemento e tamén luvas. Os operarios de Protección Civil reparten tamén un paquete con 100 máscaras cirúrxicas doadas por JEALSA para clientes e traballadores
Este reparto de material comezou a facerse estes días nos salóns de peiteado e establecementos de estética que abriron as súas portas, pero seguirase facendo nos demais establecementos e comercios locais que vaian retomando a súa actividade para garantir que neles se cumpran as medidas de hixiene e seguridade.