O Concello de Boiro vén de achegarnos máis detalles sobre a agardada reapertura do Centro Social, da que falamos este luns nesta web, dando conta da importancia deste feito para a vida cultural, dinamizadora e cidadá do termo municipal. Segundo informa o Goberno local, nesta fase II da desescaladao horario do centro será de 9.00 a 14.00 horas e de 16.00 a 20.00 horas. Polo momento so vai abrir a aula de estudo e, segundo se vaian podendo reactivar os demais servizos, farase de xeito gradual e cumprindo as medidas de seguridade e de distanciamento.
Para a apertura das instalacións fíxose unha limpeza e desinfección previa do espazo e das instalacións e delimitouse o espazo de xeito que non se supere un terzo do aforo e os usuarios e usuarias cumpran coas medidas de distancia social. Para calquera dúbida ou consulta, os usuarios e usuarias poden chamar ao 981 84 26 35.
