A crise sanitaria puxo os nosos espazos sociais e de dinamización nun estado non presencial de actividade: con portas virtuais abertas, seguindo adiante co seu labor nas redes e argallando unha chea de cousas para cando rematara o peor do situación. É o caso do Centro Social de Boiro, que agora, coas medidas de alixeiramento das restricións da Fase II, anunciou no Facebook que esta semana (concretamente este martes 26 de maio) estará en disposición de volver abrir as portas á veciñanza, garantindo, iso si, o distanciamento e as máis estritas medidas sanitarias e de seguridade.
Segundo informan do Centro Social, a desta semana será novamente unha histórica apertura, logo da primeira posta en marcha oficial, a do verán de 1999, cando as instalacións acabadas de estrear foron ocupadas polos estudantes locais e logo, progresivamente e sen pausa, polo resto da veciñanza. “Mañá abrimos de novo, para ir, gradualmente, recuperando a normalidade”, informan.
