Boiro Novo propón substituír os contedores actuais por outros máis accesíbeis e hixiénicos

26 Maio 2020

Exemplo de recipiente de lixo accesíbel

A asemblea cidadá Boiro Novo, a través da súa concelleira Dores Torrado, presentou unha moción para ser tratada na corporación relativa á xestión de lixo local e á busca de novos sistemas e recursos para avanzar en comodidade e seguridade. A moción, nun plano máis concreto, propón a substitución dos contedores do lixo actuais “por outros máis accesíbeis e hixiénicos”.

Segundo lembra Boiro Novo, os actuais acubillos de lixo que hai no termo municipal, “tanto o amarelo de envases como o verde para residuos orgánicos”, son de apertura manual, o que constitúe un factor de insalubridade nunha situación normal e engade un elemento extra de risco ante situacións como a que estamos vivir da pandemia de COVID-19.

Ao devandito, sinala Boiro Novo, “cómpre engadir que estes contedores, polo seu sistema de apertura, son pouco accesíbeis para persoas con diversidade funcional, o que, unido ao mal estado dalgúns deles, a falla de limpeza, xunto coa demostrada inoperatividade daqueles que se atopan soterrados polo casco urbano, fai que a súa modernización sexa desexábel mesmo nunha situación de normalidade sanitaria”, explican, concretando a petición nos seguintes puntos:

· Que á maior brevidade posible se substitúan os contedores do lixo actuais por outros novos con dispositivos de “accionamento a pedal e accesíbeis a persoas con mobilidade reducida”.

· Que se substitúan os contedores soterrados actuais por illas ecolóxicas accesíbeis.

Outros artigos

Publicidade

Revista en papel

Opinión

“Cando existen intereses contrapostos na pesca”. Antón Luaces

“Cando existen intereses contrapostos na pesca”. Antón Luaces

Dicirmos que hai diverxencia entre o sector pesqueiro e os gobernos (autonómico e/ou central) non é descubrir, arestora, o Atlántico. Resulta tan evidente ese desencontro, que só a desunión permanente no eido da pesca marítima explica que o sector, en Galicia e as...

“Transcendencia”. Xulio Xiz

“Transcendencia”. Xulio Xiz

Hai uns días, pasando ao lado do edificio da Subdelegación do Goberno, escoitei a voz de Alberto Cortez, procedente dunha fiestra veciña, cantando “El abuelo”. A canción fíxome pensar nas raíces galegas do cantante arxentino, na influencia dos galegos na conformación...