A Xunta suspende as probas deste mes para o manexo de embarcacións de lecer e motos naúticas polo COVID19

03 Maio 2020

A Dirección Xeral de Desenvolvemento Pesqueiro da Consellería do Mar emitiu unha resolución pola que suspende a realización das probas da convocatoria de maio para obter os títulos que permiten manexar embarcacións de lecer e motos náuticas en Galicia como consecuencia do estado de alarma derivado da alerta sanitaria do coronavirus.

As persoas que presentaran a solicitude para participar nesta convocatoria poderán participar nalgunha das seguintes que se realicen durante este ano, tal como establece a resolución da Xunta, que sairá publicada no Diario Oficial de Galicia nos vindeiros días e que tamén especifica que as persoas que non queiran participar en ningunha das convocatorias de 2020 poderán solicitar a devolución da correspondente taxa.

As probas que se suspenden son para as titulacións de patrón para a navegación básica, patrón de embarcación de lecer, patrón de iate, capitán de iate e patrón de motos náuticas A e B e estaban previstas para os días 11, 12, 13, 14 e 15 de maio nos centros oficiais de ensino pesqueiro da Consellería do Mar.

Esta decisión adóptase atendendo ao real decreto polo que o Goberno central declara o estado de alarma para loitar contra o COVID-19 e frear a súa expansión. A este real decreto súmase ademais a resolución do propio Executivo galego polo que se adoptan medidas preventivas en materia de saúde pública como consecuencia da evolución epidemiolóxica do coronavirus e pola que tamén se decretou a suspensión e interrupción dos prazos e procedementos das entidades do sector público de Galicia e a interrupción dos prazos de prescrición e caducidade.

Outros artigos

Ribeira pon en valor o traballo das mulleres no mar

O Concello de Ribeira conmemorou o Día Internacional da Muller no Sector Marítimo rendendo unha homenaxe a tres mulleres extraordinarias que dedicaron as súas vidas a unha profesión fundamental para a nosa comunidade: o marisqueo. O concelleiro de Mar, Fernando...

+

Publicidade

Revista en papel

Opinión

“Día das Letras Galegas 2025”. Manuel Dominguez

“Día das Letras Galegas 2025”. Manuel Dominguez

Andrés do Barro, cantante, compositor de soul galego, grandes éxitos dende 1975 onde as linguas do Estado foron confinadas, censuradas, ata acadar o primeiro posto nas listas dos discos máis vendidos en España tres veces seguidas: primeiro en 1969 con O trem , logo en...