A Biblioteca da Pobra informa de que xa se poden prestar ou devolver libros con cita previa

19 Maio 2020

O Concello da Pobra informou dun novo paso adiante na actividade da Biblioteca Municipal Victoriano García Martí, que esta mesma semana, logo do impulso do Día das Letras Galegas e do avance das medidas de desescalada, xa volve prestar servizos presenciais tralo tempo prolongado de confinamento: servizos de préstamo e de devolución. Porén, desfrutar desta posibilidade por parte da cidadanía vén acompañado dunhas medidas de seguridade, tanto para as persoas que traballan na biblioteca como para a cidadanía.

Deste xeito, o Concello lembra que será necesario acudir con máscara de protección e empregar o xel hidroalcóholico que está posto disposición da veciñanza á entrada da biblioteca. Amais, haberá que manter a distancia de seguridade e non se poderá empregar, polo de agora, o servizo de lectura na sala, así como o uso dos computadores. Por outra banda, os libros deberán ser solicitados polas persoas usuarias e serán proporcionados polo bibliotecario. A atención será con cita previa, mellor en horario de 09.30 a 13.30 h. As dúbidas resolveranse no teléfono 981 831 633 ou a través de bibliotecadapobradocaraminal@gmail.com.

Outros artigos

Publicidade

Revista en papel

Opinión

“No cárcere” – Xulio Xiz

“No cárcere” – Xulio Xiz

Como membro dunha sociedade democrática, con poderes básicos, forzas executoras, leis que marcan reglas de xogo, presunta igualdade de oportunidades e plena integración en Europa, calquera de nós corre perigo de pechar os ollos e coidar que vive nun mundo camiño da...