Os nosos profesionais teñen estes días unha boa oportunidade para formarse en cuestións empresariais avanzadas da man da Asociación Boirense de Empresarios, que vai organizar catro actividades de capacitación en colaboración co Ministerio de Industria a través da entidade público-empresarial Red.es. Son cursos que orixinalmente estaban previstos para desenvolverse nas aulas de ABE pero tiveron que ser adaptados ao formato online por mor da pandemia e o Estado de Alarma. Xirarán todos eles arredor de distintos aspectos tecnolóxicos e innovadores de utilidade para darmos novos e importantes pasos en dirección de empresas.
Trátase das seguintes actividades:
· Creatividade e innovación. Martes 12 de maio, de 15:45 a 19:45 horas.
· Pensamento crítico. Xoves 14 de maio, de 15:45 a 19:45 horas.
· Resolución de problemas complexos. Luns 18 de maio, de 15:45 a 19:45 horas.
· Xestión de persoas. Mércores 20 de maio, de 15:45 a 19:45 horas.
Como requirimento básico para participarmos nestas accións de formación deberemos contar só cun computador e con conexión a Internet, xa que o programa está previsto desenvolverse online e en directo. Son actividades gratuítas e abertas ao público.
