A morte de dúas persoas en residencias de maiores e doutras tres persoas en hospitais nas últimas horas elevou a 572 o número de falecidos con coronavirus en Galicia, segundo informaron este luns fontes da Consellería de Sanidade. Así, na xornada deste luns informouse da morte de dous homes, de 81 e 82 anos de idade, e dunha muller de 93 anos, que estaban ingresados no Complexo Hospitalario Universitario da Coruña (CHUAC). Dentro do total de falecidos e, á marxe das mortes producidas dentro das propias residencias, tamén se rexistrou a morte doutras 127 persoas relacionadas con centros residenciais (que faleceron, ou ben en hospitais, ou ben en residencias integradas). Deste xeito, do total de falecidos con coronavirus en Galicia, ata este domingo había contabilizadas 256 persoas vinculadas a residencias, case un 45 por cento.
Rianxo conmemora os 50 anos do achado do Casco de Leiro cunha visita cultural ao lugar do descubrimento
O vindeiro xoves 19 de marzo ás 12:00 horas, a parroquia de Leiro, en Rianxo, acollerá unha visita cultural ao Curruncho dos Porcos, o lugar onde o 7 de abril de 1976 apareceu o coñecido Casco de Leiro, unha das pezas máis enigmáticas da Idade do Bronce en Europa. A...
