As mortes diarias pola COVID19 subiron lixeiramente ata as 70 nas últimas 24 horas, o que sitúa a cifra total de falecidos por Covid-19 aos 28.752, segundo o informe publicado polo Ministerio de Sanidade.
Trátase dun repunte respecto a os últimos días, xa que o sábado rexistráronse 48 falecidos e o venres 56.
Tres novas vítimas do COVID19 en Galicia elevan a 613 os mortos. Un era veciño de A Pobra o que fai que sexan 26 os da comarca.
A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 869, deles 215 son da área da Coruña, 58 da de Lugo, 124 da de Ourense, 37 da de Pontevedra, 261 da área de Vigo, 147 da de Santiago, e 27 da de Ferrol. Do total de pacientes positivos, 12 permanecen en UCI, 61 están en unidades de hospitalización e 796 no domicilio. Polo de agora, en Galicia hai un total de 9.716 persoas curadas, rexistrándose 613 falecementos.
