Os Premios Youtubeir@s 2020, creados para fomentar a creación audiovisual en galego e co-impulsaados polo Concello de Rianxo (xunto cunha ducia de concellos e institucións), contarán con numerosas novidades segundo recollen as súas bases, nas que podemos ver un incremento da dotación en premios (que medra até un total de 7.500 euros) á vez que elimina as categorías de vídeo-facermos e vídeo-opinarmos.
A nova edición dos premios está aberta a maiores de 14 anos que autoproduzan vídeos subidos a YouTube, podendo participar cun ou varios vídeos e/ou cunha canle, con contidos posteriores ao 27 de setembro de 2019, estando aberta a inscrición entre o 27 de maio e o 23 de outubro.
Os 12 premios desta edición recoñecerán a mellor canle, o/a mellor youtubeir@ e ao mellor vídeo cunha contía de 1.000 euros cada un; e tamén contará con 9 categorías menores nas que premiarase en cada unha a calidade lingüística, o impacto, a calidade técnica, a comunicación, a creatividade, a música, a didáctica, o carácter pioneiro e o apoio do público.