O grupo municipal ribeirense do PBBI propón crear un fondo solidario para autónomos e empresarios

28 Abril 2020

A actual situación debido á pandemia da COVID-19 está a xerar graves consecuencias entre a cidadanía e dun xeito especial, nas empresas e negocios de Ribeira.

É por iso que o Grupo municipal de PBBI (Partido Barbanza Independiente), propón que se axude a ese sector a pagar unha porcentaxe do canon da Seguridade Social e de parte do coste dos alugueres de locais en función de empregados debido o peche da actividade desde o mes de marzo.

O PBBI insta o pleno proceder a crear un fondo solidario para axudar a todos eses empresarios e autónomos a que poidan facer fronte á difícil situación actual e á que se lles aveciña e neste sentido propón o debate e si procede aprobación dos seguintes acordos:

1 – Que o Concello de Ribeira proceda a crear un fondo solidario cuxo destino sexa axudar aos empresarios e autónomos a que poidan facer fronte á difícil situación actual e á que se lles aveciña, coa finalidade de que poidan facer fronte ao pago do canon de autónomos e do aluguer dos seus establecementos, entre outros gastos.

2.- Ese fondo solidario estará composto inicialmente coas contías seguintes: 300.000 euros para campañas de dinamización e 1.500.000 euros para axudas directas a pemes, autónomos e a todo o tecido empresarial. Estas axudas estarán condicionadas ao mantemento do negocio e do emprego segundo as bases para desenvolver.

3.- Aprobación dunha rebaixa do 25% nos salarios e as dietas dos integrantes do equipo de goberno cunha duración mínima de seis meses.

4.- Aprobación dunha rebaixa do 25% nas dietas e asignacións a grupos políticos e pola asistencia a calquera comisión e plenos cunha duración mínima de seis meses.

5.- Redución durante, polo menos, medio ano das dedicacións exclusivas a tres persoas e eliminación da totalidade das dedicacións parciais, podendo manterse esta última medida en función de se prosegue a delicada situación. As prioridades cambiaron e debemos poñer todo o noso empeño en axudar todo o que se poida e non deixar a ninguén atrás.

6.- Bonificación nas taxas polo abastecemento de auga e da recollida de lixo do 100%, dos afectados polo peche, que se aplicará durante o período que comprenda o peche obrigatorio establecido polo real decreto do estado de alarma.

7.- Creación dun gabinete económico-xurídico para asesorar a todo o tecido empresarial e a todo aquel traballador afectado pola nova situación co fin de buscar solucións, pois non podemos quedar impasibles e deixar que os problemas se solucionen por se sós.

8.- Creación dun gabinete de expertos para asesorar a todos os afectados no aproveitamento do potencial das redes sociais e venda online #ante a situación que se aveciña.

9.- Mantemento dos plans de limpeza e desinfección en todas as rúas de maior tránsito do municipio e nas zonas en que estean abertos establecementos de diferentes sectores.

Outros artigos

O alumnado de Tahume IX completa a súa formación teórico-práctica

A semana pasada un grupo de alumnas e alumnos do Obradoiro de Emprego Tahume IX, impulsado polos Concellos de Porto do Son e Ribeira para favorecer a inserción laboral da poboación da nosa comarca, presentouse ás probas da Educación Secundaria Obrigatoria (ESA) que se...

+

Publicidade

Revista en papel

Opinión

“Enfermedades terminales”. José Manuel Pena

“Enfermedades terminales”. José Manuel Pena

Estos últimos días las visitas al hospital fueron frecuentes para acompañara un buen amigo que se encuentra viviendo unos difíciles momentos por sudelicado estado de salud. Esta circunstancia me abrió un poco más los ojos ala realidad del sufrimiento, el dolor, el...