O Concello de Boiro, a través do departamento de Servicios Sociais, vén de anunciar a realización dos trámites precisos para contar co servizo de teleasistencia que xestiona a Deputación da Coruña, un servizo que ten como obxectivo “mellorar a calidade de vida das persoas que viven soas, sobre todo durante o confinamento ao que están obrigadas todas as veciñas e veciños por mor da crise sanitaria e o Estado de Alarma”. O sistema inclúe un intercomunicador que pode ser carrexado en todo intre e que acjega atención e conexión nada máis premelo.
O servizo da Deputación
Coa declaración do Estado de alarma, a Deputación Provincial da Coruña ampliou o servizo de teleasistencia que presta para poder estendelo a todas as persoas maiores que o demanden mentres dure a alerta sanitaria do COVID-19. Durante este período, simplificáronse tamén os trámites para a súa solicitude para que se respecte o confinamento.
100 altas
Desde que se ampliou o radio de acción do servizo con motivo do COVID-19, rexistráronse cen altas en toda a provincia, catro das cales pertencen a Boiro. O Concello lembra que todos os boirenses que teñan mais de 65 anos e vivan sós poden solicitar este servizo ou informarse no departamento de Servizos Sociais do Concello de Boiro.
