De entre todas as consecuencias negativas que ten o Estado de Alarma e o confinamento das familias, que son moitas e moi graves para unha chea de colectivos, é posíbel sacar algo positivo. Por exemplo: as oportunidades que se nos brindan para sacar o artista que levamos dentro. Entre as accións impulsadas na nosa comarca máis destinadas a facer da monotonía unha paréntese de talento atópase o certame AnimARTE do Concello de Ribeira, que comezou a súa andaina o 25 de marzo e que repartirá vales de compra no comercio e na hostalería local por valor de 20.000 euros, co obxectivo de premiar as contribucións da cidadanía á música, ao cinema, ao debuxo, á fotografía, ás performance, á poesía, á literatura, á arte dos contos orais ou á calquera manifestación artística que se lle ocorra aos participantes. O certame, que xa recibiu arredor de 200 contribucións, materialízase a través de Internet e a conta culturaefestexos@ribeira.gal, ou por Whatsapp ao 638 523 560, que son as das canles que debemos empregar para enviar as creacións.
Como
dixemos, repartiranse 20.000 euros en premios a través dunha ducia
de categorías (11 en total, cada unha das cales ten 3 subcategorías
en función do tramo de idade) e sorteos de vales de compra entre os
participantes (as bases poden consultarse na páxina
www.ribeira.gal).
Cómpre
lembrar que o concurso AnimArte na Casa prolongarase mentres dure o
Estado de Alarma e que as obras presentadas nas diferentes categorías
(artes plásticas, artes escénicas, conto, poesía, cómic, peza
musical, etc…) publícanse na
páxina de Facebook Entérate do Concello de Ribeira, onde son os
gústame dos visitantes os que decidirán as obras gañadoras
nas 33 modalidades (11 categorías x 3 franxas de idade), cada unha
das cales está recompensada con vales de compra por valor 150 €.
Ademais, entre os participantes nos concurso sortearanse 500 vales de
compra de 30 €. En ambos casos, a investir nos comercios e locais
de hostalería e restauración que se adhiran ao certame.