A Xunta enviou esta semana aos nosos concellos un novo lote de de 57.907 unidades de protección

30 Abril 2020

O Goberno galego emitiu hoxe un novo parte informativo sobre o traballo despregado até a data no Barbanza en materia de distribución de material anti-COVID para a cidadanía. No parte faise saber que esta mesma semana enviouse un novo lote aos concellos da nosa comarca formado por 2.600 máscaras, 3.300 luvas, 72 traxes antisalpicaduras e 52 pantallas faciais. En total, estamos a falar de 6.014 unidades de protección fornecidos estes días para os municipios da nosa contorna.

Até o de agora, o Goberno galego leva entregados aos municipios da comarca do Barbanza en conxunto, 57.907 unidades de material de protección desde o inicio da crise sanitaria para os servizos municipais que presta. En total foron 32.650 máscaras, 24.150 luvas, 1.055 traxes e 52 pantallas faciais, subministrados en dez entregas desde o inicio da crise do coronavirus.

Trátase dun material que, segundo comunicaron á Xunta as administracións locais, “está a ser destinado sobre todo para o Servizo de Axuda no Fogar e servizos básicos de Protección Civil, Policía Local ou transporte público”.

Entre as partidas enviadas inclúense asemade botes de xel hidroalcohólico, garrafas de desinfectante e unidades de lixivia.

Outros artigos

Ambar organiza unhas xornadas deemprego en Ribeira e Rianxo

A Asociación Ambar das Persoas con Diversidade Funcional organiza este mes de xuño unha actividade para romper barreiras en materia de emprego e igualdade: as Xornadas de Emprego dirixidas a mulleres con diversidade funcional. Desenvolveranse nos concellos de Ribeira...

+

Martes con sol e lixeira baixa das temperaturas

O martes o anticiclón retírase cara ao oeste, polo que se irá perdendo o réxime de ventos do nordés e entrarán ventos máis húmidos de compoñente oeste. Asi comezaremos a xornada cos ceos pouco nubrados ou despexados. A partir do mediodía entrarán as brétemas costeiras...

+

Publicidade

Revista en papel

Opinión

“Auditorio” – José Manuel Pena

“Auditorio” – José Manuel Pena

Xa é unha grata realidade, o novo auditorio. Ribeira, necesitaba un auditorio en condicións e adecuado ao seu número de habitantes e da importante poboación da propia comarca do Barbanza. Este pasado sábado chegouse a inaugurar oficialmente, coa presenza de diferentes...