A Deputación da Coruña deu a coñecer esta semana que vai reactivar con máis de 4 millóns de euros as obras nas estradas provinciais. Inclúense reformas de travesías, execución de sendas ou renovación do firme, entre as 20 obras públicas activas a día de hoxe. Na lista de obras reiniciadas inclúese a mellora da capa de rodaxe na DP 3301 de Rianxo a Bexo por Isorna, que vén a acompañada dun orzamento de 138.609 euros. Neste viario mellorarase a capa de rodaxe con mestura asfáltica.
En relación ás disposición do Goberno central e do Estado de Alarma, a Deputación fixo saber que dará prioridade “en todo momento” á seguridade dos traballadores a través dos servizos de seguridade e saúde do departamento de Vías e Obras, “que supervisan a execución duns traballos que contribúen a manter activa e economía e o emprego no sector da construción e as obras públicas”.
