A ABE participa nunha campaña-sorteo para axudar á recuperación do comercio de proximidade

01 Abril 2020

A Asociación Galega de Xerentes de Centros Comerciais Abertos (CCAS), da que forma parte a Asociación Boirense de Empresarios (ABE), vai pór en marcha, dende o vindeiro 12 de abril, unha campaña de promoción destinada a facer fronte común arredor do comercio local e, tamén, preparar o terreo da recuperación económica para cando a situación do Estado de Alarma se desactive.

A campaña chámase A morriña non ten brazos pero aperta o corazón, e ten, en palabras da dita asociación, os seguintes obxectivos: dar a coñecer esta nova asociación formada polos xerentes dos CCAS; lembrar á cidadanía que o comercio local estará e seguirá estando ao seu carón, “nestes intres tan duros”; e, tamén, premiar a fidelidade dos clientes do comercio de proximidade, transmitindo unha imaxe de unidade.

Para participar nesta campaña só é preciso acceder á conta de Facebook da Asociación e buscar o post do concurso, compartindo logo a entrada de maneira pública, facendo un comentario indicando o que botamos de menos do comercio local cun texto, debuxo, foto ou vídeo e indicar a poboación onde nos gustaría facer unha compra no caso de gañar un dos vales de compra. Respecto destes últimos, serán 27 vales de compra por valor de 50 euros, un por cada Centro Comercial Aberto que participe na campaña, e que se poderán gastar nos establecementos asociados.

Outros artigos

Publicidade

Revista en papel

Opinión

“El Estado soy yo”. Manuel Dominguez

“El Estado soy yo”. Manuel Dominguez

 Es una frase apócrifa que Luis XIV de Francia habría pronunciado el 13 de abril de 1655 ante el Parlamento de París, a los dieciséis años de edad No obstante, tal frase no consta en las actas de las reuniones del Parlement, por lo que se duda que tal anécdota...