Os nosos concellos están a xuntar forzas arredor dun obxectivo común: o apoio integral aos comerciantes, autónomos e traballadores para axudalos a superar a crise sanitaria e o parón produtivo xeral. A Asociación Boirense de Empresarios (ABE) é unha das entidades máis activas neste obxectivo compartido, achegando contidos, recursos e iniciativas para fortalecer a fronte de traballo conxunta. Esta semana uxo un novo gran de area nesta mobilización coa campaña Son Boiro, na que participan 30 socios de todos os sectores produtivos. A iniciativa acompáñase dun vídeo en dúas partes que xa podemos ver en YouTube.
A asociación explica destes xeito as principais motivacións de Son Boiro: “Malia que a actividade empresarial está seriamente danada e paralizada, nestes complicados momentos a ABE quere lanzar unha mensaxe de unidade e esperanza do tecido empresarial local a través da campaña #sonboiro, unha mensaxe para uns intres de incerteza nos que a maioría estamos agardando pacientemente nas nosas casas a que a situación volva á normalidade”.
A campaña colle corpo cun vídeo editado en dúas partes que se pode visualizar tanto nas redes sociais da ABE buscando co cancelo #sonboiro e tamén na web www.abe.gal e na canle de YouTube de Boiroaberto.
“Con esta iniciativa”, explica a asociación, “queremos mandar un mensaxe de ánimo ao clientes e veciños de Boiro así como amosar a unión do empresariado local e o desexo que moi pronto poidamos estar xuntos de novo”.
