Ao redor das 06.30 horas rexistrouse no municipio de Boiro, concretamente á altura do lugar de Mieites, unha saída de vía. O condutor do vehículo, quen saíu polo seu propio pé, resultou ferido leve e foi trasladado polo 061 ao Hospital do Barbanza. No incidente non se viron implicados máis vehículos nin persoas.
O aviso chegou por parte do 112 e ata o lugar desprazáronse bombeiros de Boiro, Garda Civil de Tráfico, 061, Servizo Municipal de Emerxencias de Boiro e Policía Local boirense.
O operativo rematou en torno ás 08.30 horas unha vez se retirou o coche e se efectuou a limpeza da estrada.
