O Concello de Ribeira vén de comunicar a suspensión do mercadiño dos sábados agás a parte dedicada exclusivamente á alimentación, que se mantén “para axudar a que supermercados e outros establecementos baixo teito da zona non teñan que soportar un volume masivo de compradores de produtos de primeira necesidade como son os alimentarios.”
Non obstante, coa fin de evitar aglomeracións de xente no mercadiño, aumentarase a superficie na que se instalen estes postos ampliando así as zonas de paso.
Esta medida precautoria ante o coronavirus manterase como mínimo na cita desta fin de semana e na do 21 de marzo.
