A Policía Local de Boiro sancionou xa a varios veciños que desobedeceron as indicacións decretadas polo goberno e saltaron o Estado de Alarma. As sancións realizadas foron a veciños que viaxaban acompañados no mesmo vehículo e que non o facían por causa xustificada.
As sancións van desde unha multa económica de 100 euros ata un ano de prisión. Os axentes lembran que so se poden facer desprazamentos en distancias curtas e sempre por causa xustificada. As saídas so se poden facer para ir ao traballo, a comprar medicinas ou artigos de primeira necesidade. Os desprazamentos deben ser sempre individuais e so poderán ser de dúas persoas para ir ao traballo ou cando se trata de persoas dependentes.
A Policía Local está a intensificar os controis para que veciños e veciñas cumpran as indicacións e tamén están intensificando os avisos. Todos os paseos, parques e accesos a praias están pechados e con carteis indicativos de que non se pode pasear por eles. Ademais, os axentes usan a megafonía dos coches para indicar que non se pode saír á rúa mais que para o estritamente necesario.
