O cuarto ciclo de Camiños de Coñecemento e Experiencia oferta en Ribeira catro novos seminarios

12 Marzo 2020

O programa da Universidade de Santiago de Compostela (USC) Camiños de Coñecemento e Experiencia regresa por cuarto ano consecutivo ao municipio de Ribeira, presentándolle á veciñanza maior de 50 anos unha atractiva oferta formativa, que se suma ao curso de IV Ciclo que está tendo lugar da man da referida institución académica. As encargadas de detallar o contido desta proposta foron a concelleira de Educación, Juana Brión, e a directora do IV Ciclo na USC, Esther Olveira.

Trátase dun programa que se desenvolverá ao longo do mes de abril, englobando catro seminarios das seguintes temáticas: educación nas familias; patrimonio; teatro; e envellecemento saudable. Cada un constará dunha sesión teórica e outra práctica.

Deste xeito, o mércores 1 terá lugar o seminario Que papel poden desempeñar as familias na educación? a cargo de Agustín Godás Otero, da facultade de Psicoloxía (USC). Volverá ao día seguinte cun obradoiro de estilos educativos parentais.

O venres 3 será a quenda de Xosé A. Neira Cruz, da facultade de Ciencias da Comunicación (USC), con Pazos e liñaxes da túa comarca. Unha ollada á fidalguía local e á súa forma de vida, celebrándose o venres 17 a parte práctica coa visita aos pazos da comarca.

Víctor Arce Vazquez, da facultade de Medicina (USC), será o encargado de impartir Que é o envellecemento? o martes 14, que proseguirá o mércores 22 coa súa parte práctica a través dun obradoiro sobre envellecemento a cargo de José Manuel Fernández García, coordinador nacional do Grupo de Traballo de Nutrición de Semergen.

E o eido artístico correrá a cargo de Beatriz Porrúa Refojo, do IV Ciclo (USC), con Teatro. A construcción do personaxe, o mércores 15; tendo continuidade o xoves 16 cun obradoiro de teatro.

O curso concluirá coa tradicional entrega de diplomas en Santiago nunha data aínda por determinar, incluíndo algunha cita cultural.

Tódalas actividades se desenvolverán en horario de 18.30 a 20.00 horas, coas clases teóricas no Centro Cultural Lustres Rivas. A matrícula é gratuíta e as persoas interesadas poden formalizala a partir de mañá no referido espazo, con teléfono de contacto 981835650.

Esther Olveira lembrou que esta iniciativa tivo ao municipio ribeirense como concello piloto no 2017, estendéndose actualmente por máis de quince na provincia da Coruña. Así mesmo, destacou o “grao de participación moi alta desde a primeira edición.”

Pola súa parte, a edil Juana Brión salientou que é “unha moi boa opción para a nosa xente”, animando á veciñanza a participar nesta acción formativa.

Outros artigos

Publicidade

Revista en papel

Opinión

“Enfermedades terminales”. José Manuel Pena

“Enfermedades terminales”. José Manuel Pena

Estos últimos días las visitas al hospital fueron frecuentes para acompañara un buen amigo que se encuentra viviendo unos difíciles momentos por sudelicado estado de salud. Esta circunstancia me abrió un poco más los ojos ala realidad del sufrimiento, el dolor, el...

“Mellor é falar”. Luís Celeiro

“Mellor é falar”. Luís Celeiro

Moitos dos lectores lembran como era aquelo de chamar por teléfono aos parentes deMadrid ou de Barcelona, ao noivo de Lleida ou de Cádiz, ao veciño emigrante en Suíza ou encalquera lugar industrial de Alemaña. Moitos aínda se acordan hoxe daquel teléfonoparroquial que...