Ante a posibilidade real de que, por mor da reclusión forzosa nos fogares derivada das medidas do estado de alarma se incrementen os casos de violencia contra as mulleres na nosa comarca, os concellos están a reforzar o seu labor de atención e asesoramento. É o caso do Concello de Boiro, a través do Centro de Información á Muller, que pon un número de teléfono específico a disposición das mulleres que “de forma especial durante a crise sanitaria precisen de asesoramento ou sufran unha situación de maltrato”.
Este teléfono, 669 582 674, estará activo en horario de 9.00 a 20.00 horas. Amais de chamadas, as usuarias tamén poden empregar o servizo de mensaxes Whatsapp.
