O BNG de Ribeira esixe actuar ante o afundimento dunha zona da estrada xeral en Artes

10 Marzo 2020
Cedida por BNG de Ribeira

Na parroquia ribeirense de Artes, a estrada xeral CP-7304, á altura do cruce coa Igrexa parroquial, presenta un burato que, tal e como manifestan desde o BNG, está causando preocupación entre a veciñanza que pasa polo lugar a diario e temen que a vía continúe afundíndose. Os nacionalistas achegáronse ata a zona e comprobaron que o burato ten “unhas dimensións considerábeis e supón un perigo para todas as persoas que discorren por esa zona e que non son poucas”, ao atoparse nas inmediacións tres negocios e servir de camiño de paso para acudir ao templo parroquial.

O concelleiro Luís Pérez Barral estivo falando con algúns dos veciños e veciñas, trasladándolle a preocupación de que algunha persoa poida facerse dano se non o ve a tempo ou mesmo que un vehículo poida deixarse unha roda, ademais de que coas chuvias o burato poida acrecentase e afundir parte da calzada. Pérez Barral asegura que o burato ten medio metro de profundidade e está nunha zona de bastante tránsito. Neste senso, o BNG afirma que se informou ao goberno local a este respecto hai máis dun mes, pero que “o desleixo e abandono que sofren as parroquias é tal que nada se fixo”, segundo declara o edil nacionalista.

Cedida por BNG de Ribeira

O Bloque tamén considera que se deberían mellorar os investimentos que se fan para as parroquias, “consultando as prioridades dos veciños e veciñas para poder darlles unha resposta axeitada.” Poñen como exemplo os casos concretos de Artes ou Corrubedo “como parroquias cuxos investimentos son case inexistentes”; ou o do centro social de Carreira, unha obra que os nacionalistas comparan coa “obra do Escorial polos seus reiterados atrasos.”

Desde o BNG conclúen expresando que están a disposición da veciñanza para “procurar solucións ás demandas que teña cada parroquia”, esixindo do goberno local “maior atención e axilidade na procura de solucións e investimentos.”

Outros artigos

Adxudicada a pavimentación da rúa Lorenzo Mariño de Aguiño

O Concello de Ribeira vén de adxudicar a pavimentación da rúa Lorenzo Mariño na parroquia de Aguiño, cun orzamento de 132.225 euros e un prazo de execución de 2 meses. Segundo explican fontes do Consistorio, a rúa Francisco Lorenzo Mariño é unha das vías con mais...

+

O xurelo e o lirio de Ribeira viaxan a SALIMAT da man da OPP83

A Sociedade Cooperativa Galega do Mar Santa Uxía de Ribeira (OPP83) viaxará a Silleda para participar no 27o Salón de Alimentación do Atlántico, SALIMAT Abanca 2024. A OPP83 realizará unha degustación para os asistentes na que dará conta das excelencias do xurelo e o...

+

A XXIV Mostra de Teatro Infantil de Ribeira arrinca este 31 de maio

Este martes 28 de maio a concelleira de Cultura, Antía Alberte, presentou a vixésimo cuarta edición da Mostra de Teatro Infantil de Ribeira Daniel Gómez Ramil. Fíxoo na compaña de Óscar Romero, director do grupo infantil municipal. Esta mostra, sinalaron, permite pór...

+

Publicidade

Revista en papel

Opinión

“Cando existen intereses contrapostos na pesca”. Antón Luaces

“Cando existen intereses contrapostos na pesca”. Antón Luaces

Dicirmos que hai diverxencia entre o sector pesqueiro e os gobernos (autonómico e/ou central) non é descubrir, arestora, o Atlántico. Resulta tan evidente ese desencontro, que só a desunión permanente no eido da pesca marítima explica que o sector, en Galicia e as...