No día de onte comezou o segundo cuadrimestre da UNED Senior que se desenvolverá en Boiro entre os meses de marzo e xuño do presente ano. O alcalde José Ramón Romero aproveitou a ocasión para darlle a benvida ao alumnado que participa no curso de Cultivo de hortalizas todo o ano. Esta especialidade impártese os martes alternos, en horario de 16.00 a 20.00 horas, tendo lugar a teoría no viveiro de empresas e proxectándose que a parte práctica da acción formativa se realice no horto do pazo de Goiáns, de maneira que as persoas participantes poidan aplicar os coñecementos adquiridos.
Desde o Concello manifestan que se está traballando no acondicionamento do espazo, ademais de dotalo dun invernadoiro e todo o necesario para iniciar as clases prácticas do cultivo de hortalizas canto antes.
Estas aulas en Boiro dependen da UNED Senior da Coruña, ofrecendo un programa de formación para persoas maiores de 50 anos, independentemente da académica. Deste xeito, as persoas maiores da comarca teñen a oportunidade de aprender sobre temas de actualidade e estratexias de desenvolvemento persoal.