O Concello de Boiro fixo esta mañá unha doazón de material ao Centro de Saúde de Boiro para facer fronte á crise sanitaria do COVID-19. En concreto foi un total de cinco caixas de xeles hidroalcólicos para a desinfección de mans.
O Concello de Boiro fixo nos últimos días un inventario do material co que se contaba nos distintos centros de traballo para ter unha estimación do das necesidades e poder garantir a seguridade dos operarios municipais e poder doar o excedente que se precisase na sanidade.
O inventario consta de máscaras, guantes, desinfectante, lixivia e outros produtos de limpeza. O Concello de Boiro contaba tamén con xeles hidroalcólicos, adquiridos para distribuír nos centros de traballo, que unha vez repartidos a todos os departamentos, e que se levou o excedente ao Centro de Saúde de Boiro, un total de cinco caixas de seis unidades de 1 litro cada unha.
O alcalde, José Ramón Romero, aproveitou para prestar a colaboración do Concello en todo o que precisaran no Centro de Saúde e tamén no Hospital do Barbanza e sempre dentro das súas posibilidades. O Concello está en contacto diario coas autoridades sanitarias para ter unha información actualizada da situación e estado da pandemia por COVID-19 no municipio e tamén das necesidades que presentan para traballar de forma conxunta fronte ao coronavirus.
