Malia que O Barbanza estase a librar polo de agora da proliferación do COVID-19, si que é certo que os seus efectos xa se deixan notar. Por exemplo no aprazamento de determinadas actividades que impliquen concentracións relevantes de xente e que sexan perfectamente viábeis de adiar para máis adiante. Entre os acontecementos que se aprazan atópase a ópera Madama Butterfly, que se ía celebrar este sábado 14 de marzo no Auditorio de Rianxo e que finalmente a promotora PromÓpera, entidade organizadora do espectáculo, decidiu adiar para o 13 de xuño no mesmo lugar e á mesma hora.
A medida, que se toma para previr e contar a epidemia do coronavirus, implica a devolución do importe da entrada para todas aquelas persoas que non puideran acudir á representación na nova data, ou ben, para quen si que poida, conservar a súa entrada. O servizo de venda online de tíckets Eventbrite comunicarase en datas vindeiras cos afectados a través de correo electrónico ou ben cunha chamada ao móbil.
