A Senda Litoral de Galicia percorrerá a costa desde Ribadeo ata a ponte da Amizade de Tomiño

06 Marzo 2020
Cedida

Rianxo acolleu esta mañá a presentación oficial do proxecto Senda Litoral de Galicia -Senda dos Faros- iniciando así un amplo calendario de eventos en diversas localidades do litoral galego, incluíndo obradoiros, encontros con axentes territoriais e itinerarios interpretativos.

Trátase dun itinerario de interese paisaxístico contemplado nos instrumentos de ordenación do territorio de Galicia para fomentar o descubrimento de todo o litoral, poñer en valor os recursos territoriais e a lectura das paisaxes que se van percorrendo. Búscase, ademais, a conexión con outras rutas alternativas que ofrezan un rico patrimonio cultural e etnográfico.

Para o desenvolvemento deste proxecto asinouse un convenio de colaboración entre a Axencia de Turismo de Galicia, a Axencia Galega de Desenvolvemento Rural (AGADER), o Instituto de Estudos do Territorio e a Fundación Galicia Sustentable.

A súa aspiración é xerar un modelo de xestión integrado que leve a unha maior identificación da cidadanía residente coa Senda dos Faros e, así, que poida contribuír a unha estratexia de sustentabilidade. No programa de actuacións e actividades contémplase un proceso de participación pública executado pola consultora Territorio Raso. Esta fase contará cos principais axentes do territorio para a identificación de problemas -respecto ao trazado proposto e á xestión existente-, a concreción de obxectivos e a definición de medidas e accións.

O percorrido da Senda dos Faros, que contará cun total de 1315 quilómetros repartidos en 56 etapas, fundaméntase nos valores ambientais e paisaxísticos, entendidos como unha oportunidade para o desenvolvemento sostible. A proposta procura a posta en valor da costa galega establecendo contacto entre a cidadanía e a franxa litoral a través das diversas etapas que configuran o percorrido.

A Senda dos Faros como itinerario de interese paisaxístico desenvólvese en coherencia coa natureza e as funcións que lle outorgan as Directrices de Ordenación do Territorio e o Plan de ordenación do litoral (POL), a través da accesibilidade á transmisión dos valores patrimoniais no ámbito de influenza da Senda dos Faros, mediante un modelo baseado no fomento do coñecemento e o coidado da identidade propia coma camiño cara un desenvolvemento sustentable do territorio.

Outros artigos

Publicidade

Revista en papel

Opinión

“Los ministros del Gobierno no se entienden”. Arturo Maneiro

“Los ministros del Gobierno no se entienden”. Arturo Maneiro

En los últimos días, el Gobierno de coalición del PSOE y Sumar está pasando por su peor momento de desacuerdos y discrepancias legislativas que no parece que vayan a tener fin en el corto plazo. Es más, parecer un mal progresista y progresivo.La falta de acuerdos en...

“Un poeta llamado Sémper”. Xosé Antonio Perozo

“Un poeta llamado Sémper”. Xosé Antonio Perozo

El mimetismo positivo del correligionario con el líder es un fenómeno en desaparición. Puede ser debido a dos circunstancias. Una, la falta de carisma de la mayoría de los dirigentes políticos de nuestros días. Dos, la proliferación y diversificación de sus presencias...