A Pobra edita unha guía da natureza para contribuír á posta en valor da contorna

13 Marzo 2020

Co obxectivo de dar a coñecer os valores e patrimonio natural do municipio pobrense e, por extensión, da comarca do Barbanza, a Administración local vén de editar a Guía da natureza do Concello da Pobra do Caramiñal, en colaboración coa Deputación da Coruña. O contido da publicación foi desenvolvido polo biólogo pobrense Miguel A. Conde Teira; mentres que as ilustracións correron a cargo de Suso Cubeiro e Laura Blanco. Na guía, o autor intentou dar visibilidade ao singular e escaso, servindo de elemento identificador do concello e da bisbarra, sen esquecer que os sistemas naturais non funcionarían sen as especies comúns e abundantes. Preténdese así que o prontuario sexa unha ferramenta para que a veciñanza en xeral, e a poboación escolar en concreto, valore a contorna na que vive.

Neste senso, o Concello está facilitando exemplares para o alumnado en tódolos centros de ensino do termo municipal, contribuíndo así a que cheguen á maior cantidade posible de fogares. Tamén se repartiron nas bibliotecas públicas da Pobra do Caramiñal, Ribeira, Boiro e Rianxo. Así mesmo, toda aquela veciñanza interesada en dispoñer da guía pode solicitar un exemplar de balde.

Esta publicación encádrase nas actividades medioambientais que realiza ao longo de todo o ano o Concello, tales como as saídas de A Pobra Natural para coñecer a contorna no primeiro trimestre deste 2020 ou a semana do medio ambiente programada para xuño e as xornadas micolóxicas para novembro.

Outros artigos

Ciro Briones presenta na Pobra o ensaio “Da caverna a acrópole”

O público da Pobra do Caramiñal asistiu na tarde do 12 de abril á presentación do ensaio Da caverna a acrópole. Un camiño cara a educación crítica, de Ciro Briones. Con esta obra, o autor une filosofía e ensinanza, poñendo o foco na importancia da construción do...

+

Publicidade

Revista en papel

Opinión

“Enfermedades terminales”. José Manuel Pena

“Enfermedades terminales”. José Manuel Pena

Estos últimos días las visitas al hospital fueron frecuentes para acompañara un buen amigo que se encuentra viviendo unos difíciles momentos por sudelicado estado de salud. Esta circunstancia me abrió un poco más los ojos ala realidad del sufrimiento, el dolor, el...

“Mellor é falar”. Luís Celeiro

“Mellor é falar”. Luís Celeiro

Moitos dos lectores lembran como era aquelo de chamar por teléfono aos parentes deMadrid ou de Barcelona, ao noivo de Lleida ou de Cádiz, ao veciño emigrante en Suíza ou encalquera lugar industrial de Alemaña. Moitos aínda se acordan hoxe daquel teléfonoparroquial que...