O Ministerio de Sanidade actualizou o balance de contaxiados e falecidos por coronavirus en España ao 29 de marzo:
- 6.528 mortos, fronte aos 5.690 do sábado. Son 838 máis, cun incremento do 15%.
- 78.797 contaxiados, fronte aos 72.248 do día anterior. Un 9 % máis.
- 14.709 recuperados fronte aos 12.285 do sábado.
- 43.397 hospitalizados. O día anterior foron 40.630.
O número de casos en Galicia ascende a 2.925 infectados e 61 persoas mortas. Os contaxios diarios descenden en Galicia: 298 casos fronte os 416 do día anterior.
O conselleiro de Sanidade, nunha entrevista na Radio Galega, anunciou que para este domingo está prevista a chegada a Galicia dun medio millón de máscaras, das “máis de dez millóns” que leva compradas a Xunta. Vázquez Almuíña confirmou que o seu departamento está en contacto para alcanzar “acordos con empresas galegas do téxtil e do sector da fabricación doutros productos” para proverse de material sanitario e non depender do mercado internacional.
Salientar que o Hospital de Barbanza rexistrou o seu primeiro falecido por coronavirus. O enfermo era un veciño de Lampón de 79 anos e tiña patoloxías previas. Mentres a cifra de contaxiados na área de Santiago e Barbanza elevase a 87.
