Este mércores 26 finaliza o prazo de inscrición para os cursos do segundo cuadrimestre da UNED Senior que se impartirán en Rianxo entre os meses de marzo e xuño.
As materias a impartir, un total de cinco acción formativas, serán Canto tradicional e canto coral (venres, de 10.00 e 12.00 horas), Iniciación aos teléfonos intelixentes e tabletas. Nivel Básico II (mércores, de 18.30 a 20.30 horas), Iniciación á informática e á Internet. Nivel Básico II (mércores, de 16.00 a 18.00 horas), Cociñando para alimentarse ben II (martes, de 18.00 a 20.00 horas) e Práctica instrumental: Gaita e Percusión. Nivel Intermedio II (sábados, de 11.00 a 13.00 horas).
Esta formación contará con dúas horas semanais e un prezo establecido por cuadrimestre nos 50 euros. Ademais, as persoas maiores de 50 anos e o alumnado do primeiro cuadrimestre teñen preferencia na realización destas actividades.
As persoas interesadas poden solicitar máis información e realizar a súa preinscrición no Auditorio municipal, no teléfono 981100688 ou no enderezo electrónico unedsenior@concelloderianxo.gal.
