Rianxo en Común esixe que se solucione a ausencia de pediatra no Centro de Saúde

17 Febreiro 2020

O grupo municipal Rianxo en Común ven de rexistrar unha solicitude na Consellería de Sanidade, na cal esixen que “de maneira inmediata” se substitúa a ausencia do pediatra con outro profesional. Neste senso, lembran que no 2015 se produciron concentracións por parte da veciñanza rianxeira para denunciar que as ausencias do pediatra habitual non se cubrían debidamente, “unha situación que continuou a producirse”, indican. De feito, fan fincapé en que, nos próximos quince días, o Centro de Saúde non contará co pediatra habitual en horario de mañá, sostendo que “a solución que se buscou, no canto de mandar a outro/a profesional, foi bloquear a posibilidade de pedir citas na aplicación do Sergas e non dar ningún tipo de información coa esperanza de que os 15 días pasaran o máis rápido posible.”

Ademais, a formación engade que se protagonizaron protestas dos usuarios e usuarias do Centro de Saúde, así como profesionais do mesmo, tódalas tardes dos venres durante as últimas semanas para reclamar un Punto de Atención Continua (PAC) e que, tal e como precisan, a Administración autonómica “nos nega continuamente.”

Así, Rianxo en Común expresa a súa preocupación pola situación da sanidade pública no concello rianxeiro e no conxunto do territorio, culpando a política sanitaria da Xunta de Galicia.

Outros artigos

Barbanza Arousa recibe as primeiras adhesións ao SICTED

A Mancomunidade Barbanza Arousa, en consonancia coa súa estratexia de colaboración público-privada, continúa este ano coa implantación do Sistema Integral de Calidade Turística en Destino, SICTED, entre os axentes turísticos do territorio. Nesta ocasión, a primeira...

+

A XI Regata Caiac de Mar do Concello de Rianxo celebrarase o 2 de marzo

Xa temos data para XI Regata Caiac de Mar Concello de Rianxo, logo de que o mal tempo do 10 de febreiro, data inicial obrigase a adiar a celebración. Finalmente optouse polo sábado 2 de marzo. Será a partir das 10.00 horas no porto de Rianxo. As saídas están fixadas...

+

Publicidade

Revista en papel

Opinión

“Celebrando a  Rosalía de Castro”. Antía Pereira

“Celebrando a Rosalía de Castro”. Antía Pereira

“Celebrando a Rosalía e o seu día celebramos o que nos une, o que nos representa e o que nos move. Poucas figuras concitan ó seu redor a unanimidade que convoca Rosalía. E iso en boa medida porque ela soubo tocar as cordas, unha a unha, aínda que fose de distinto...