O Náutico de Boiro – Marina Cabo de Cruz recibe a placa de Galicia Calidade

06 Febreiro 2020

O Náutico de Boiro – Marina Cabo de Cruz recibiu este xoves 6 de febreiro un importante recoñecemento á excelencia dos seus servizos e da súa xestión e, tamén, ao prestixio acadado no panorama galego, estatal e internacional. Estamos a falar da distinción de Galicia Calidade, que enxalza os clubs náuticos da nosa terra que foron quen de superar os rigorosos criterios establecidos pola devandita marca da Consellería de Economía.

Na entrega da placa acreditativa do selo participaron alcalde de Boiro, José Ramón Romero, o director xerente de Galicia Calidade, Alfonso Cabaleiro, o director técnico de Galicia Calidade, Javier de Miguel, e o presidente do Náutico de Boiro, Manuel Fajardo.

Por certo que o Náutico de Cabo de Cruz foi a primeira de entre as entidades deportivas dos nosos portos (un total de 14 clubs, entre os que se contan o de Portonovo, Vigo, Portosín, Sada, Ribadeo, Sanxenxo, A Coruña e Ribeira, entre outros) á que lle foi entregada oficialmente a dita distinción.

Segundo se explicou na colocación da placa, a marca Galicia Calidade avala a excelencia das instalacións náutico-deportivas de Galicia, que lidera o número de náuticos con Q de Calidade Turística de España.

Outros artigos

Publicidade

Revista en papel

Opinión

“A vivenda” – José Manuel Pena

“A vivenda” – José Manuel Pena

É un ben de mercado para o negocio particular ou un dereito básico, fundamental e humano, como pode ser a educación, a sanidade, a prestación por desemprego ou a xubilación? A vivenda, en Galicia e no resto de España, continúa sendo un negocio e un ben de...