O Concello da Pobra do Caramiñal e a Asociación de Atletismo e Deportes do Barbanza, co control técnico do Comité Galego de Xuíces da FGA, organizarán un control federado de marcas o vindeiro domingo 9 de febreiro no Estadio da Alta (Cabío, A Pobra do Caramiñal). As probas estarán suxeitas a un regulamento específico que, en primeiro lugar, determina que as inscricións se fagan a través do sistema online na web da RFEA até as 22:00 horas do xoves 6 de febreiro do 2020.
Nas bases especifícase que se permitirá a a participación de categorías menores dadas de alta no programa Xogade. Neste punto, as inscricións deberán remitirse a santiago@atletismo.gal indicando o nome e apelidos da persoa solicitante, data de nacemento, club e identificador do seguro.