Néstor Rego explicou en Boiro as medidas que contempla o acordo de investidura

29 Febreiro 2020

O deputado do BNG no Congreso, Néstor Rego, acompañado de membros do partido na comarca, reuniuse hoxe en Boiro con diferentes colectivos barbanceses, coma o sector do mar e os emigrantes retornados, para dar conta do alcance do acordo de investidura subscrito entre o Bloque e o PSOE, o cal recolle “importantes compromisos, non só para Galiza, tamén para a comarca da Barbanza.”

O alcalde de Rianxo e integrante do consello comarcal, Adolfo Muíños, indicou que “o BNG recupera a voz galega no Congreso” e que, ademais do acordo de investidura, “vai haber máis momentos ao longo desta lexislatura que van facer que a voz galega, as esixencias do país e pensar en clave galega é absolutamente fundamental.” Neste senso, fixo referencia á “fortuna” de contar cun representante que “só teña que dar contas ao país, ou a unha organización nacionalista coma é o BNG, do que alí se acada.”

Pola súa parte, Néstor Rego salientou o labor dos seus compañeiros e compañeiras no Barbanza. A continuación, puntualizou que o Bloque insistía na recuperación de representación no Congreso “porque iso era a garantía de que Galiza tivese unha voz propia, soberana, sen dependencias, que defendese os intereses do noso país.” En relación a isto, sostivo que “o BNG fai o que deciden os galegos e as galegas e non se somete a ningunha outra consideración”, sinalando como proba o acordo de investidura e que ter un único deputado “non é un asunto de cantidade, é de calidade.”

Engadiu que o primeiro que se conseguiu foi “desbloquear a solución a algúns dos principais problemas sociais e económicos.” No que respecta ao acordo, apuntou que se contemplan unha serie de medidas políticas, sociais, económicas e das infraestruturas. Entre outras cuestións, enumerou os descontos nas peaxes da AP-9; a renovación de toda a rede ferroviaria interior de Galicia e completala no resto do territorio; por fin á crise industrial; actuacións en materia de dependencia; a modificación da Lei de violencia de xénero; ou o tratamento de Galicia “como nación no contexto do Estado.”

Tamén incorpora a rexeneración e saneamento das rías para, segundo manifestou, “recuperar toda a capacidade produtiva que teñen. Unhas rías moi ricas das que viven miles de persoas.” Aínda que especificamente se nomea a ría do Burgo, o deputado nacionalista asegurou que “imos prestar atención a ese compromiso que establece o goberno con carácter xeral de saneamento e de atención á rexeneración das nosas rías que se cumpra coas medidas e cos proxectos que sexan oportunos en cada caso.”

Así mesmo, o documento versa sobre “mudanzas lexislativas e normativas necesarias para resolver dunha vez por todas a discriminación da Facenda española aos nosos emigrantes retornados”, destacando que este colectivo leva anos mobilizándose.

En canto ás peaxes da AP-9, Rego aseverou que o acordo “obriga a que haxa como mínimo, un desconto do 100% para os usuarios recorrentes, é dicir, para aquelas persoas que fagan como mínimo dúas viaxes no mesmo día terán a viaxe de maneira gratuíta, algo fundamental nunha infraestrutura que comunica a Barbanza con todo o Eixo Atlántico.”

Outros artigos

Fallados os galardoados do XV Premio Internacional de Gravado Atlante

Participan no fallo do xurado, 260 obras de 175 participantes a nivel internacional, procedentes de países como Alemania, Arxentina, Brasil, Chile, España, Estados Unidos, Puerto Rico, Uruguay, México, Perú,Cuba, Francia, Rusia, Canadá, Italia, Portugal, Tailandia,...

+

Publicidade

Revista en papel

Opinión

“Cordura y centralidad”. Alberto Barciela

“Cordura y centralidad”. Alberto Barciela

Los anhelos, las ambiciones desmedidas, pero también las más o menos comprensibles, se confunden entre tantos escombros, entre los cascotes de lo que fueron los valores consensuados por la sociedad, la política, la Justicia, la economía. Incluso las referencias...