A Policía Local de Rianxo informou da detención, na mañá deste 6 de febreiro, dun veciño da localidade por ser o presunto autor dun delito de roubo con forza na xornada previa na parroquia de Araño, no concello rianxeiro. Segundo informaron os funcionarios da Policía Local, a persoa a cuestión, de 54 anos, posúe antecedentes policiais.
No intre da súa detención o home atopábase no centro urbano da vila rianxeira. Fóronlle atopados máis de 200 euros e diversas sustancias estupefacientes.
A continuación, os axentes procederon á instrución das dilixencias policiais oportunas, e, posteriormente, foi trasladado a dependencias da Garda Civil de Rianxo á espera da súa posta a disposición xudicial ante o Xulgado de Garda de Padrón.
