A Garda Civil busca a un individuo que foi sorprendido en Boiro cando prendia lume a catro coches e varios contedores lapas que afectaron á fachada dun edificio. O suceso aconteceu na Avenida da Constitución. A Garda Civil investiga o que semella ser o último episodio de vandalismo na vila.
O primeiro aviso aos servizos de emerxencias chegaba sobre as cinco e media da madrugada desde a rúa Francisco do Río Romero. Estaban ardendo dous coches e as lapas eran tan altas que ameazaban varios andares do edificio máis próximo. Cando os bombeiros traballaban na extinción deste lume, recibiron o aviso de que estaban ardendo un colector e outros dous coches noutros puntos da vila en concreto na Rúa Nova.
