O Concello de Boiro celebra este venres 14 de febreiro a nova edición do seu xa histórico Xantar de Confraternidade da Terceira Idade, un máis que relevante encontro de irmandade no que está previsto que participen unhas 700 persoas, entre veciñanza e representantes institucionais. A cita será no Polideportivo de Barraña ás 14.00 horas.
Esta confirmada a asistencia da conselleira de Política Social, Fabiola García, da deputada provincial, Sandra González, do alcalde de Boiro, José Ramón Romero, e doutros membros do equipo de Goberno local, como por exemplo Luís Ruiz, María Outeiral e Marcos Fajardo. Tamén participarán no xantar de confraternidade outros membros da corporación boirense e representantes dos concellos veciños, así como as e os responsábeis das entidades e as asociacións locais da comarca.
A recepción das autoridades esta prevista para as 14.00 horas e as intervencións para as 14.15 horas, para poder comezar o xantar as 14.30 horas.
