Aviso da Policía Local pobrense con motivo do desfile de Entroido

Cedida

A Policía Local da Pobra do Caramiñal vén de anunciar que se ten programada unha operación na xornada de mañá, martes 25, con motivo do desfile de Entroido, afectando a varias vías e rúas da zona urbana, razón pola cal se procederá a cortar o tráfico nalgunhas delas en determinados horarios.

A operación de tráfico comezará ás 17.20 horas, recomendándose ás persoas condutoras que eviten utilizar vehículos pola zona urbana e que, no caso de dirixirse a outros municipios, empreguen as estradas alternativas coma, por exemplo, a AG-11 ou as que se atopan na periferia.

Desde o corpo policial piden desculpas polas molestias que se poidan ocasionar.