A “Asociación Amigos do Camiño de Santiago do Barbanza. A Orixe”
presentou en Boiro a mostra itinerante “As Pegadas do Camiño de
Santiago do Barbanza. A Orixe” que se poderá visitar ata o 26 de febreiro na Casa da Cultura Ramón Martínez López.
Esta mostra, comisariada por Antonio González Millán, reflicte, por
medio das fotografías tomadas por Adolfo Enríquez Calo, as evidencias
históricas da ruta xacobea entre Corrubedo e Santiago de Compostela, un
percorrido que foi presentado no pasado mes de decembro. A exposición
mostra as imaxes da recuperación do camiño terrestre que vai desde Ribeira a Santiago, un traballo de varios anos para poñer en valor as pegadas da tradición xacobea no Barbanza.
A exposición itinerante que agora está en Boiro inaugurouse en Ribeira,
estivo pasou pola Pobra do Caramiñal e expoñerase tamén nas localidades de Rianxo, Dodro e Padrón. Está enmarcada no programa O Teu Xacobeo,
promovido pola Consellería de Cultura e Turismo da Xunta de Galicia.
Na inauguración da mostra “As Pegadas do Camiño de Santiago do
Barbanza. A Orixe” estiveron presentes o alcalde de Boiro, José Ramón
Romero, o presidente da Asociación Amigos do Camiño, Manuel Mariño Nin e o comisario da mostra, Antonio González Millán, a concelleira de Cultura, María Outeiral, o teniente de alcalde, Luís Ruíz, e a xerente da mancomunidade, Irene Maneiro.
